عملية حسابية لا يمكن حلها

[mo7med]

السلام عليكم

اتذكر وانا صغير كان هناك لغز او عملية حسابية لم يستطع حلها احد ارجو ان نجد الاجابة سويا عليها


اقترض احمد من محمد 250 جنيه

واقترض احمد ايضا من محمود 250 جنيه

فاصبح مجموع العددين 250 + 250 = 500

قام بسداد فاتورة قيمتها 450 جنيه

فاصبح معه 500-450 = 50

فاراد ان يسدد جدزء من المبلغ لمحمد 250 ومحمود 250 فاعطى كل منهم 10 جنيه

فتبقى في يده 30 جنيه واصبح الدين هكذا

محمد 250250-10 = 240

محمود 250 250-10 = 240

فاصبح مجموع الدين الحالي

240 + 240 = 480

هنا المشكلة او اللغز

مجموع الدين 480 وفي يده 30

480+30 = 510

فكيف صارت هذه الزيادة

تحياتي

احدث المواضيع:

• وضوع المليون رد...عشان نجيب زباين لمنتدي..(التحدى الاصعب فى كل منتدى).. والعداد شغاال..!
• مسائل علمية لم تحل و طرق عمل الخدع البصرية
• مسابقه جديده
• معلومة × لعبة
• ركز وفكر

[t3wera]

لادا مش لغز اساسا ازاى هتحسب مجموع الدين المتبقى + الباقى المقروض بما انى ساقط كليه حقوق هقول بقى 480 + 20 اللى دفعهم 500
او هقول 30 الباقى + 20 اللى دفعه فى الدين + 450 اللى اشترى بيهم
كدا منطقى لكن مينفعش اضيف الدين المتبقى المتبقى + المتبقى معاه كدا هيتخرب بيتى ومش هحصل حاجه من الشغل بالطريقه الناس هتداينى
ههههههههههههههههههههههههههههههه

[LeRoi]

المفروض اننا ما ندخلش الـ30 جنيه اللي معاه في العملية الحسابية اصلا

لأن هو المفروض عليه 500 جنيه لمحمد ومحمود

فدفع منهم 20 جنيه 10 لمحمد و 10 لمحمود

يبقى كدا باقي عليه 480 جنيه

لو جينا نضيف عليها حاجة هنضيف الـ 20 جنيه اللي هو دفعها مش الـ 30 جنيه لأن الـ 30 جنيه الوقت اصبحت خارج الحساب

فالفكرة كلها في ان الـ 30 جنيه المفروض ما يدخلوش الحساب ويدخل مكانهم الـ 20 جنيه لأن الـ 30 جنيه اصلا مش دين على الشخص

اتمنى تكون وضحت بالنسبة ليك

عاملة زي اللغز دا

3 اشخاص ذهبوا ليشتروا سلعة معينة فلم يجدوا صاحب المحل ووجدوا ابنه فقال لهم الولد ان ثمن السلعة 30 جنيه

فدفع كل شخص 10 جنيهات واشتروا السلعة

ولما عاد الاب قال للولد ان ثمن السلعة 25 جنيه فقط وأمره بأن يذهب للثلاث اشخاص ويعيد لهم الـ 5 جنيهات

اخذ الولد الـ 5 جنيهات وذهب للثلاث اشخاص وفي طريقه دفع 2 جنيه في المواصلات وتبقى 3 جنيهات

فاعطى كل شخص جنيه فأصبح كل شخص الأن قد دفع 9 جنيهات بدلا من 10

و 3 * 9 = 27

و 27 + 2 ( قام الولد بدفعهم في المواصلات ) = 29

وهنا المشكلة : اين الجنيه الناقص فالحساب كان 30 جنيه

-----------------------------------

الحل بسيط جدا وهو ان الحساب اصلا مش المفروض يكون 30 جنيه لأن الحساب اتغير بسبب ان في 3 جنيه الولد رجعهم لاصحابهم فيتم خصمهم من الحساب وما يدخلوش فيه تاني

ويتم عمل عملية حسابية جديدة كالتالي

كل شخص دفع 9 جنيه يعني 27 جنيه اجمالي

والـ 2 جنيه اللي الولد دفعهم مواصلات نقسمهم على 3 يبقى الناتج 66.7 تقريبا

فاصبح كل واحد دافع 9 جنيه و 66.7 قرش نضربهم في 3 يبقى الحساب الجديد 29 جنيه

وهو دا الناتج الجديد اللي المفروض نحسب عليه مش الـ 30 جنيه لأن زي ما قلت بعد ما الـ 3 جنيه رجعم لاصحابهم بنلغي العملية الحسابية القديمة ونعمل عملية حسابية جديدة ومش المفروض نحسب على الحساب القديم

----------------------------------

عارف ان كلامي ممكن يكون ملخبط شوية لكن في الحقيقة هي دي الطريقة المنطقية الوحيدة لحل مثل هذه الألغاز

ورغم اني فاهمها ومتأكد بنسبة كبيرة من صحتها لكن ما بعرفش اوضحها اكتر من كدا وفي ناس كتير قلتها لهم وما عرفوش يفهموها

فأتمنى ان حد يفهمني

تحياتي