شرح الميكروتيك بين إيديك بالصوت والصورة من المهد إلى اللحد

[raedjom]

السلام عليكم ورحمة الله وبركاته

****************************************** ******** ********
مقدمة
لماذا هذا الموضوع
أولا وقبل كل شيء أسألكم الدعاء لى ولوالدى بالمغفرة والرحمة وكل ماهو خير لنا من الدعاء.
أحببنا أن نفيدكم ببعض ماأنعم الله به علينا من علم فى بعض مواضيع الميكروتيك الهامة
ولأن فترة عشرتنا مع قسم سيرفرات الميكروتيك معكم هنا تكاد لاتجاوز ال 3 أشهر من الزمان

ومرات كثيرة جدا أحاول أن أجد شرح لموضوع داخل المنتدى معين أجد
الموضوع ناقص على خطوة صاحب الموضوع لم يذكرها الله اعلم هل قصده ان لغز مصباح علاء الدين نجده بأنفسنا أم نيته حسنة وهو مجرد أن نسى أن يذكر لغز الموضوع وغالبا يكون بدون اللغز دا الموضوع بدون جدوى

****************************************** ******** ********

فأحببنا التسهيل على الناس
لأنى وللأسف المواضيع التى التى لم أستطع الوقوف على فهمها هنا فى المنتدى عندما كنت أترك رسالتى فى أى منتدى أجنبى أو أبحث فى مواقع أجنبية كنت أجد حل مشكلتى بكل سهولة ويسر وصدر الناس رحب ويساعدوا على نشر العلم بطريقة كبيرة جدا
وأى موقع اجنبى تجد عليه مشكلتك فى ثوانٍ معدودة
ولأن معظم الناس مستواها فى اللغة الإنجليزية يقبع تحت خط الفقر فمعظم الناس لن تستطيع البحث فى منتديات أجنبية أو أن تبحث فى مقالات أجنبية عشان تنشد ضالتها وتقيل عثرتها بسهولة ويسر

ولأن القارء للموضوع إذا كان الموضوع معتمدا على شرح الصور أحيانا يشك فى تنفيذه للموضوع هل هو فى وجه الصحة بمكان أم على وجه الخطأ

أم من أصحاب الأعرف لا إلى هؤلاء ولا إلى هؤلاء
إذ هو لايدى هل نفذ الشرح على وجه أكمل أم على وجه ناقص . فى كل الله أعلم
فكان موضوع الشرح بالفيديو أفضل وأثبت
لذا قررنا نحن
عبد الرحمن / حازم عامر
أن ننقل المنتدى منتدى قسم سيرفرات الميكروتيك نقلة أخرى مختلفة لربما يمشى عليها مساره فترات طويلة وهى تطبيق السيرفر على الفيرشوال ماشين بشكل احترافى وبطريقة مثالية
وتطبيق بعض الأشياء التى عجزنا عنها سالفا
وحل بعض المشاكل التى عجزنا عن حلها فيما مضى
والمضى قدما فى تطوير خط إنتاج قسم سيرفرات الميكروتيك بمنتدى الدى فى دى العربى
لإنتاج نوع جديد من الإبتكارات والإنتاجات
وقررنا أن نطرح بين أيديكم أهم مواضيع الميكروتيك بكل سهولة ويسر فى منتدى عربى ولأول مرة بشكل متميز جدا عن أى شرح سبق أو تم ذكره بالفيديو كله من الصفر إلى النهاية ولاتوجد مرفقات مطلقا كل الشرح موجود داخل الفيديو
كل ما سندرجه هنا غير ملف الفيديو الخاص الشرح
لنكات فقط للأدوات الى قد استخدمناها فى الشرح والتطبيق
وإن شاء الحى القيوم أى شخص كان ليه فضل فى المساعدة لينا فى اى موضوع هنذكر اسمه إن شاء الله
فمن لم يشكر الناس لم يشكر الله
ومن بركة العلم نسبتة إلى أهله

****************************************** ******** ********

وحتى لانطيل عليكم أكثر من ذلك ندخل فى صلب الموضوع
الموضوع عبارة عن شرح وتجميع لأهم مواضيع الميكروتيك على الفيرشوال ماشين
هنبدأ فى اول فيديو شرح البرنامج الى مشروح عليه كل حاجة الى هوا الفيرشوال ماشين
وهوا داالأداة Tool الى هنطبق عليها كل حاجة
البرنامج ممكن تستبه على وندوز إكس بى عادى خالص او وندوز سيرفر
وبعد كدة تستب على البرنامج نفسه الميكروتيك وتتعامل مع الميكروتيك باحترافية كما لم يسبق لك من قبل
طيب ايه المواصفات المطلوبة

اى كيسة نتيوم فور اوريجنال او غير اوريجنال هتفى بالغرض
تكون فى حدود رامات 512
ويستحسن واحد جيجا
وبروسيسور 2.4 او 2.6 او 3.0
وكرتين لان فقط واحد للإكسترنال وواحد للإنترنال فقط

يعنى كيسة فى حدود حوالى من 400 إلى 500 جنيه تقريبا مستعملة اوريجنال من اى مول
طبعا انا مش بروج بضاعة انا مببيعش ممكن اى واحد يروح يشترى الكيسة من اى مول

هتقولى طيب انتا حاطط مواضيع دمج ازاى هتدمج ونتا معاك كرتين 2 فقط
هقولك منتا لو سمعت الشرح هتعرف اننا فى الدمج مش هنحتاج اكتر من كرتين لان فيزكال فى الكيسة
ودى الميزة هنا الى نتفرد بيها عن اى طريقة ضم اخرى حتى مع موضوعى السابق نفسه الضم على nth
على كيسة فيزكال هنا برده أميز لأن هنا مش هتحتاج اكتر من كرتين لان فقط والى مش مصدق يسمع الشرح وهوا يعرف

****************************************** ******** ********

أولا لنك البرنامج أقصد برنامج الفيرشوال ماشين
والإصدارة دى يجماعة
برنامج vmware وللعلم الفرجن الى ينفع عليه الشرح كله فرجن 6.0

part 1


Part 2

****************************************** ******** ********
وقبل تنزيل ملفات الشرح نرجوا من الأخوة كل واحد يلغى الكودك الى عنده وينزل الكودك دا احدث كودك موجود تقريبا لو صادفه مشكلة فى تشغيل الملفات الفيديو مع العلم ان الملفات من النوع AVI
برنامج الكودك اسمه
K-Lite Mega Codec Pack 5.9

****************************************** ******** ********

الملف الأول: عبارة عن تعريف عام بالفيرشوال ماشين ومفاهيم اساسية فيه وكيفية استخدامه

لتحميل الملف الأول من

هنا

****************************************** ******** ********

الملف الثانى : عبارة عن تستيب الميكروتيك 2.9.27 وإدخال الإنترنت داخل الميكروتيك من الروتر فقط بدون إخارج النت للمستخدمين

لتحميل الملف لثانى من

هنا

ولتحميل نسخة الميكروتيك 2.9.27 من هنا

****************************************** ******** ********

الملف الثالث : كيفية تستيب وندوز إكس بى على الفيرشوال ماشين وأخذ الإنترنت من الميكروتيك الى وندوز إكس بى الى متستب برده على الفيرشوال ماشين

لتحميل الملف الثالث من

هنا

****************************************** ******** ********

الملف الرابع : كيفية إخراج الإنترنت باستخدام HotSpot

وتعلم DHCP Server

وتعلم إلغاء وظيفية قطع النت لبرنامج النت كت وغيره من البرامج

ولكن إلغاء إظهار الماكات على النت كت وغيره سيتم شرحها فى آخر ملف وهوا البرودباند هنا سيتم شرح كيفية إلغاء
وظيفة قطع النت عن المستخدمين فقط ولكن الماكات بتظهر لسة

لتحميل الملف الرابع من

هنا أو من هنا

ملحوظة مهمة

انا فى الملف رقم 4 فى آخر دقيقة قلت ان الماك الى بيتحط فى خانة
IP Binding
وفى الهوت سبوت لو فى اكتر من ريبيتر واخدين من بعض بتحط الماك الخاص بأخر ريبيتر الى العميل بيستلم منه النت الى هوا أخر ريبيتر مباشرة للعميل والكلام خرج منى خطأ على سبيل السهو
والصحيح انتا بتحط الماك بتاع أول ريبيتر من جهة السيرفر مش من جهة العميل لأن كل الى ورا أول ريبيتر بيظهر للسيرفر بماكه يعنى لو وراه ريبيتر و 2 و 3 و 4 كلهم بيظهروا بماك اول ريبيتر للسيرفر

لكن الماك فى ال DHCP زى منا قلت فى الليسس الماك بيتحط بتاع الكمبيوتر نفسه سواء كارت لان او ويرلس
طبعا الريبيتر المقصود بيه فى وسط الكلام اما

Universal Repeater
WDS Repeater

أما ظهور الماك على الهوت سبوت فالمودز الأتية يظهر فيها العميل بماك الكمبيوتر الشخصى على الهوت سبوت
Repeater
Bridge
Client With WDS
WDS Repeater
والمودز الأتية يظهر العميل بماك الاكسس
Client
Universal Repeater

****************************************** ******** ********

الملف الخامس :نتعلم فيه الآن كيفية إخراج الإنترنت إلى الشبكة الفعلية بدلا من إكس بى على فيرشوال ماشين فقط

أى سنتعلم فيه كيفية إخراج الإنترنت بصورة فعلية للمستخدمين على سويتش والسويتش يوزع النت للمستخدمين

لتحميل الملف الخامس من

هنا

****************************************** ******** ********

الملف السادس : كيفية ضم عدد من الخطوط يصل إلى 8 خطوط إنترنت على الفرجن 2.9.27 بطريقة nth

على كرتين لان فقط فى الكيسة واحد إكسترنال يسحب النت وواحد إنترنال يوزع النت
كرتين فقط حقيقيين فى الكيسة

الطريقة

بالنسبة للإكسترنال هتحط الروترات الى عاوز تضمها كلها على سويتش والسويتش يطلع منه سلك واحد فقط لكارت الإكسترنال الموجود فى الكيسة والإنترنال هيطلع منه سلك لسويتش رقم 2 والسويتش رقم 2 يوزع النت للناس
والشرح فى ملف الفيديو
ثم انظر فى شرح الملف رقم عشرة لتعرف كيفية حل مشكلة الهوت سبوت على نفس السيرفر
بحيث تضم الخطوط وتخرج نت بالهوت سبوت من نفس الكيسة

لتحميل الملف السادس من

هنا

ولتحميل الكود من هنا

ولمعرفة الفرق بين التحميل ببرنامج دونلوود منجر وبين التحميل العادى بعد دمج السرعات يستحسن تنزيل هذا الملف من هنا

****************************************** ******** ********

الملف السابع : كيفية تستيب النسخة 3.2 على الفيرشوال ماشين وتكريكها وعمل تحديث لها حتى الفرجن 3.3 على ليفل أربعة Level 4

ومن بركة العلم نسبته إلى أهله ففكرة الشرح فى هذا الملف مستوحى من فكرة الأخ شيكوا له منا كل احترام وتقدير ولكن مشروح بتفصيل اكبر وفيديو

لتحميل الملف السابع من هنا

لنك النسخة 3.2 من هنا

لنك ال**** من هنا

ولنك النسخة 3.3 من هنا

****************************************** ******** ********

الملف الثامن : استيراد أو عمل Import لمكنة جاهزة متستب عليها النسخة 3.3 متكركة جاهزة لحد ليفل أربعة فى خمس دقائق فقط

وأظن دى تحل المشكلة للأخ الى كان بيقول انه عاوز يكرك من فلاشة وعاوز الكود أعتقد الطريقة دى أسهل
إنك تاخد المكنة متكركة فى خمس دقايق جاهزة وآسفين ليه على التأخير فى الموضوع بس زى منتا شايف الموضوع كبير أد ايه

لتحميل الملف الثامن من

هنا

ودا لنك الهارد للنسخة 3.2 جاهز للإستيراد فى مكنة فيرشوال ماشين 6.0 من هنا

ودا لنك الهارد للنسخة 3.3 جاهز للإستيراد فى مكنة فيرشوال ماشين 6.0 من هنا

****************************************** ******** ********

الملف التاسع:كيفية تفعيل الكاش على النسخة 3.3 واستخدامه

واستخدام الكاش فلتر
وكيفية تحويل كاش النسخة 2.9.27 مثل النسخة 3.3 بالظبط فى الكاش فلتر
ومن بركة العلم نسبته إلى أهله ففكرة تحويل كاش النسخة 2.9.27 إلى مثل النسخة 3.3 من أفكار الأخ رائد جمعة صاحب العضوية raedjomaa

لتحميل الملف التاسع من هنا

شرح االإختيار Cache On Disk داخل إعدادات الكاش

والتطرق لبعض المفاهيم مثل

Physical Memory , Virtual Memory

وسرعات الهارد ديسك والرام والبروسيسور والتفاوت بينهملتحميل الملف الثالث عشر من

هنا

****************************************** ******** ********

الملف العاشر : شرح ضم عدد يمكن أن يصل ل8 خطوط على الفرجن 3.3 بطريقة ال nth

بكرتين لان فعليين فقط واحد إكسترنال ياخد النت وواحد إنترنال يوزع النت للمستخدمين
بالنسبة للإكسترنال هتحط الروترات الى عاوز تضمها كلها على سويتش والسويتش يطلع منه سلك واحد فقط لكارت الإكسترنال الموجود فى الكيسة والإنترنال هيطلع منه سلك لسويتش رقم 2 والسويتش رقم 2 يوزع النت للناس
زى طريقة 2.9.27 بالظبط
الزيادة هنا عن هناك فى الشرح
حل مشكلة الهوت سبوت ان الناس مكانتش عارفة تخرج نت بالهوت سبوت من نفس السيرفر الى بتضم عليه فلازم
الناس كانت تحط سيرفر تانى للتوزيع بحيث يكون سيرفر ضم وسيرفر توزيع
احنا حلينا هنا المشكلة وتقدر توزع بالهوت سبوع من نفس السيرفر الى هتضم عليه

لتحميل الملف العاشر من

هنا

ولتحميل كود الضم من هنا

****************************************** ******** ********

الملف الحادى عشر : تعلم كيفية الدمج بستخدام طريقة PCC التى تدعم Fail Over بحيث لو تم قطع الخدمة عن خط سيتم تحويل الترافيك الموجود بنسبة 100 فى المية على الخط الثانى

والطريقة تم شرحها لتتناسب مع وجود الهوت سبوت أو مع عدم وجوده ويجب تحميل ملف الفيديو أولا قبل تطبيق الكود لأن الكود بالوضع الإفتراضى لايعمل مع الهوت سبوت وتم الشرح داخل ملف الفيديو لجعله يدعم الهوت سبوت

لتحميل الملف الفيديو من هنا

لتحميل الكود من هنا

****************************************** ********

الملف الثانى عشر : تعلم كيفية إغلاق المواقع الإباحية عن طريق استخدام OpenDNS

من الألف إلى الياء وكيفية تحديث رقم الإنترت الخاص بالديناميك وان اى بى بسهولة جدا بدون اسكربت ودون الجلوس كل فترة لتشغيل اداة تحديث الأى بى فقط دع كل شيء يعمل بصورة تلقائية بدلا عنك والطريقة تصلح مع جميع النسخ
2.9.27 3.2 3.3 4.6 أى نسخة تقدر تحدث رقم الإنترنت الخاص بيك
بسهولة وبصورة اوتوماتيك من غير متتعب وتقعد كل شوية تفتح اداة التحديث عشان تجيب الرقم الجديد

ولمنع أى عميل من استخدام أى DNS آخر غير OpenDNS
لو استخدم الأرقام مانوالى بدلا عن DHCP
يرى استخدام هذا الكود مع نسخة المايكروتيك 3.3

/ip firewall filter
add action=accept chain=forward comment="Allow OpenDNS Traffic" disabled=no \
dst-address=208.67.222.222 dst-port=53 protocol=udp
add action=accept chain=forward comment="" disabled=no dst-address=\
208.67.220.220 dst-port=53 protocol=udp
add action=accept chain=forward comment="" disabled=no dst-address=\
208.67.222.222 dst-port=53 protocol=tcp
add action=accept chain=forward comment="" disabled=no dst-address=\
208.67.220.220 dst-port=53 protocol=tcp
add action=drop chain=forward comment="Drop Any other DNS" disabled=no \
dst-port=53 protocol=tcp
add action=drop chain=forward comment="Drop Any other DNS" disabled=no dst-port=53 protocol=udp

واستخدام هذا الكود مع النسخة 2.9.27

/ ip firewall filter
add chain=forward dst-address=208.67.222.222 protocol=tcp dst-port=53 \
action=accept comment="" disabled=no
add chain=forward dst-address=208.67.220.220 protocol=tcp dst-port=53 \
action=accept comment="" disabled=no
add chain=forward dst-address=208.67.222.222 protocol=udp dst-port=53 \
action=accept comment="" disabled=no
add chain=forward dst-address=208.67.220.220 protocol=udp dst-port=53 \
action=accept comment="" disabled=no
add chain=forward protocol=tcp dst-port=53 action=drop comment="" disabled=no
add chain=forward protocol=udp dst-port=53 action=drop comment="" disabled=no

وتعلم هنا ايضا كيف تغلق الكيسة مثلا ساعتين الصبح ترتاح فيهم وازااى الكيسة تشتغل تانى لوحدها بمعنى مثلا الكيسة كلها تطفى الساعة 6 صباحا وتريح 3 ساعات وتشتغل لوحدها تانى الساعة 9 صباحا

بصورة تلقائية يوميا بدون تدخل منك
كله شغال فى دورة اوتوماتيك منتظمة جدا
وبدون سكربتات
وأنا اعنى الكيسة تريح يعنى الكيسة كلها هارد وير وسوفت وير مش سوفت وير فقط
وآسفين على التأخير على الأخ الى كان منتظر النقطة دى على حد تعبيره على أحر من الجمر
لكن زى منتا شايف الموضوع عامل ازاى تنسيقه لوحده عاوز يوم
لتحميل الملف الحادى عشر من

هنا

ولتحميل برنامج Auto Shutdown

من هنا

****************************************** ******** ********

الملف الثالث عشر : تعلم كيفة تشغيل البرودباند PPPoEباحترافية لم يسبق لها مثيل فى إخراج الإنترنت للمستخدمين والحفاظ على شبكتك من الإنهيار

وبصورة مبدأية أنا مليش علاقة بالشرح الى حاطه أى حد هنا فى المنتدى للبرودباند لاحد يقولى الطريقة دى احسن ولا الطريقة دى اوحش ولافلان عامل ولا فلان مسوى انا فى الفيديو موضح كل حاجة وموضح المزايا من استخدام طريقتى انا فى برودباند الى عاوز يستخدمها يستخدمها الى مش عاوز يستخدمها ويستخدم طريقة حد تانى فى المنتدى بدون اى حزازيات دى حرية شخصية وكل امرأ امير نفسه يختار الى يريحه

وطبعا الطريقة مش بتاعتى عشان ماحدش يعلق ليا على الكلام قصدى الطريقة الى انا مستخدمها
وكل الفكرة إنى بستخدم طريقة
Proxy ARP
بدلا من ال ARP
العادية والطريقة المشروحة هنا ألصق ماتكون بفكرة
Bridge

طبعا انا مش هطول كتير فى نظام التشغيل البرودباند الرائع بل الأكثر من رائع الشرح داخل ملف الفيديو

لكن كل ماأنبه إليه إننا هنا فى البرودباند قدرنا نلغى وظيفتى النت كت وغيره من برامج السبوفنج
الخاصية الأولى قطع النت عن المستخدمين وتم إلغاء هذه الخاصية بنجاح
الخاصية الثانية عدم ظهور ماكات اى عميل من العملاء فى النت كت او غيره من اى برنامج من برامج السبوفنج
وأظن كدة يبقى قضينا على كل مشاكل البرودكاست طيب واحد يقولى امال ايه الى هيظهر على النت كت لما افتحه هقولك بكل بساطة حمل الملف الفيديو وشوف بنفسك ايه الى بيظهر
وفى طبعا حاجة
معنى انك قضيت على البرودكاست للعملاء بينهم وبين بعض بالأيبيهات والماكات يبقى قضيت على معظم الفيروسات الى بتشتغل على الوتر دا وتر البرودكاست زى الفيرس الصينى وإخوانه من الفيروسات الأخرى
خد عندك بقى كلها يومين واليابان رخرة يطلع فيرس باسمها وكل يومين تطلع بلد وتبقى موضة
احنا لما قضينا على البرودكاست قضينا على القصة دى يبقى قللنا مشاكل كتير جدااااااااا كانت بتحصل فى الشبكة فى عدم وجود البرودباند

لتحميل الملف الثانى عشر من

هنا

****************************************** ******** ********

الملف الرابع عشر: كيفية وضع الميكروتيك فى وندوز ستارت اب Start UPحتى يعمل مع بداية تشغيل الكيسة كل مرة
ثم تعلم كيفية الحفاظ على الميكروتيك من الإنهيار حيث ان الفيرشوال ماشين يعمل على نظام وندوز المعرض للفيروسات والإنهيار فى بعض الأحيان.



لتحميل الملف الثالث عشر من
هنا

ولتحميل الديب فريز الذى يعمل على وندوز إكس بى من
هنا

ولتحميل الديب فريز الذى يعمل على وندوز سيرفر من
هنا

****************************************** ******** ********

الجزء الخامس عشر: شرح كيفية فصل التحميل عن التصفح
متنساش تحذف اى رول كوى ترى او اى رول خاصة بالهوت سبوت فى السمبل كوى
أو على الأقل استخدم ترتيب الرولات وخلى رول الهوت سبوت اخر رول

يعنى السمبل كوى لو لقيت فيه اى رول اسمها
يخص الهوت سبوت احذفها وسيب الرولات دى فقط

وللعلم تحديد السرعة بهذه الطريقة يتم تطبيقها على العميل حتى لو هوا
Bypassed
ولو عاوز تحدد على عميل عميل خد الكود دا بيطبق فى السمبل كوى بدلا من الكوى ترى
وانا افترضت ان اقصى سرعة تحميل اسمها Max_Download
وعملت تحديد سرعتها 1.5 ميجا بت
يعنى 1536 كيلوا بت
وافترضت ان العملاء عندك ايبيهاتتهم 192.168.100.x
فحطيت ليك اى بى رقمه 20.20.20.1 وسرعته فى التحميل256كيلوا بايت

انتا بقى غير الأى بى20.20.20.1 لأى بى من رينج الشبكة بتاعتك وجرب عليه

واى يوزر تانى ضيفه بنفس الطريقة بالملى الى انا ضايف بيها اليوزر
20.20.20.1

ومتنساش تختار

Parent =Max_Download

من التبويب
Advanced

وإليك الكود

لتحميل الكود الخاص بتحديد الدونلوود فقط من هنا

لتحميل الكود الخاص بتحديد الدونلوود + الأبلود من هنا



وتنويه مهم جدا
السرعات هنا تحدد مثل المعتاد عليها دائما
Byte= 8 Bit
64 KB = 512 kb

صورة توضيحية تبين كيفية تعديل السرعة الموجودة فى الكود المراد تشغيلها للدونلوود فى الخط لمن يريد تشغيل الطريقة


وهذه الصورة توضيحية لآخر سطر فى الكود وهو الذى يتم التعديل فيه

***********************************
وعلى فكرة الطريقة شغالة حتى لو العميل
Bypassed
من الهوت سبوت ومش موجود أصلا فى Active

********************************
وعلى فكرة البنج مبيعلاش

يعنى تحديد سرعة دونلوود والبنج هادى وميات زى ماهو على جوجل
ليه لأن السيرفر الى العميل بيحمل منه الى اتحدد سرعته فقط الى هوا مثلا فى المثال جوا الشرح ميكروسوفت

لكن جوجل معملناش منه دونلوود فمفيش تحديد سرعة عليه فالبنج عليه ميات
time<=100 ms

تم التطبيق فى الشرح على النسخة 3.3
لسبب أنى قد استخدمت Layer7
فى تنفيذ الطريقة وليست طريقة المانجل العادية
لأن ال Layer7
أدق بكثير من المانجل فى البحث عن المحتوى
****************************************** *********

تنويه بسيط فقط

لعرض الفيديو فى أفضل جودة يرجى جعل مقاس شاشة عرض الكمبيوتر
800 * 600
ثم تكبير ملف الفيديو ملأ الشاشة وعند التطبيق الخروج من حالة ملأ الشاشة إلى الحالة العادية
وانا اضطريت اعمل مقاس الشاشة ساعة التسجيل 800 * 600 وأخلى دقة الألوان 16 بت بدلا من بت 32 نظرا لأن الملف الخارج من التسجيل امتداده avi
فبيشغل حجم كبير جدا فكنت عشان اقلل حجمه عملت كدة فبرجاء التماس العذر فى ذلك

****************************************** ********

يجماعة زى ماهو واضح قدامكم من الشرح انا تعبت فيه جدا جدا جدا عشان يوصل ليكم بالصورة دى

حوالى 7 ساعات تقريبا شغل فيديو
ومش عاوز منكم فلوس مش عاوز منكم ثناء مش مستنى انكم تنصبونى منصب
كل الى طالبه منكم حاجة بسيطة جدا جدا جدا
انكم تدعوا ليا ولأهلى بكل بخير وكل دعاء فى نظر كل واحد فيكم يراه خيرا لنا

ومسموح لأى واحد ينقل الموضوع لأى منتدى آخر لتعم الفائدة

فقط فى آخر الموضوع يقول يدعوا لصاحب الموضوع وأهله بكل خير

وياريت كل واحد عنده استفسار يسيب لينا هنا الملف الى بيستفسر عنه رقم كام والدقيقة رقم كام

لأن ماينفعش واحد يقول مثلا
هوا انتا عامل DHCP Server هنا كذ وكذا ليه
او عامل mac بتاع العميل فى الخانة الى اسمها كذا ليه
طبعا ميستناش منى انى الف فى 12 ملف و 7ساعات اشوف واقول ياترى هوا قصده على اى جزء بالظبط

فياريت الى بيستفسر عن حاجة يسيب لينا اسم الملف والدقيقة بالظبط الى فيها استفساره

ساعدونا إننا نساعدكم
وفى النهاية أتقدم بخالص الشكر والتقدير لكل من ساعدنى فى إنهاء مثل هذا الموضوع الكبير
وأتقدم بالشكر لكل من يريد مساعدة الخير للآخرين

وربنا يوفق الجميع دوما لما يحب ويرضى

وفى النهاية أحب أن أدرج بيتين لمن كان له قلب أو ألقى السمع وهو شهيد

قال سفيان ابن عيينة يوما عالم الحديث وقرين مالك ابن أنس فى الطبقة
يوما وهوا يتحسر على حاله لما مات أقرانه من العلماء

ذهب الزمان فسرت غير مسود ...ومن الشقاء تفردى بالسؤدد

انا مش بقول كدة ان انا عالم لا أنا لاعالم ولانيلة انا اقل من اقل واحد فيكم انا الى عندى ان شاء الله من علم اولا بأول هطرحه بين إيديكم بس فين باقى الناس

إحنا يجماعة بنعانى من فقر عام فى المقالات العلمية فى المنتديات العربية
دا مش نابع عن عدم وجود ناس علماء
لا طبعا فى جهابزة كتير بس للأسف متعرفش بيخافوا يتكلموا او مكسوفين
او واحد تانى عارف بس خايف يعرف غيره لحسن هياخد رزقه
فياريت أنا بنادى أى واحد عنده معرفة جيدة انه يساعدنا يجماعة احنا فعلا هنا بالنسبة للمنتديات الأجنبية
نقبع تحت خط الفقر
أى نعم فى ناس محترمة جدا هنا فى المنتدى وبتحب تفيد الناس جدا
بس كام واحد مش هقولك يتعدوا على الأصابع لا دول يتعدوا على عقل الإصبع من ندرتهم

الله المستعان وإليه المشتكى وهو من وراء القصد وهو يهدى السبي

احدث المواضيع:

• افضل تجميعة رولات للفيرس وكل انواعه وفيرس برامج الشات كامله
• افضل رولات لمنع المواقع الاباحية وتحويلها لصفحة رسول الله
• لكل عملاء شركة linkdsl حل مشكلة opendns
• برنامج DNS Benchmark يساعد في اختيار افضل DNS
• الان اقفل الدوانلود وشغله وقت ما تحب

[ابو العرايس]

السلام عليكم ورحمة الله

مشكور اخي ليك ولمهندس الي عمل الموضوع ده، بس انا شايف الاخ عامل 2 مايكروتك واحد للدمج وواحد للكنترول

[alamal-2004]

السلام عليكم وشكرا فعلا على هذا العمل الرائع والى الامام ان شاء الله ربنا يحفظك ويوفقك يارب لما يحبه ويرضاه
عندي استفسار بسيط ياغالي في الملف 12 في الدقيقة 26 و32 ثانية ايش الفرق بين enabed و disabled و proxy-arb و reply-only وياريت لو تشرح متى تستخدم كل وحده فيهم والافضلية فيهم مع العلم انا ببث وايرليس وسلك ايش تنصحني استخدم فيهم وايش الفروق والميزات تبعتهم

[hazem_amer7]

السلام عليكم وشكرا فعلا على هذا العمل الرائع والى الامام ان شاء الله ربنا يحفظك ويوفقك يارب لما يحبه ويرضاه
عندي استفسار بسيط ياغالي في الملف 12 في الدقيقة 26 و32 ثانية ايش الفرق بين enabed و disabled و proxy-arb و reply-only وياريت لو تشرح متى تستخدم كل وحده فيهم والافضلية فيهم مع العلم انا ببث وايرليس وسلك ايش تنصحني استخدم فيهم وايش الفروق والميزات تبعتهم

أحب أولا شكر الأخ الفاضل العزيز المهندس رائد على وضع الموضوع ومساعدة الناس

احنا استخدمنا فقط Proxy arp هنا لتشغيل ال PPP
بالطريقة الى حضرتك شفتها بنفسك لكن طبعا الوضع الطبيعى ان حضرتك تسيبه عادى arp enabled

لكن الفرق بين ال 2 كلفظ ومعنى مش عارف هتفهمنى ولا لا
انا هختصرها عشان متوهكش
arp enabled
فى هذه الحالة الإنترفيس سيستخدم الأرب بروتوكول فقط
proxy-arp

الإنترفيس سيكون هوا نفسه عبارة عن بروكسى أرب
ــــــــــــــــــــــــــــــــــــــــــــــــــ ـــــــــــــــ
انتهى

[asa65]

بارك الله لنا فيكما
و جزيتم خير الدنيا و الاًخره
يرجي اعادة رفع الملف الرابع لأن به مشكله
شكراً مقدماً

[hazem_amer7]

السلام عليكم ورحمة الله

مشكور اخي ليك ولمهندس الي عمل الموضوع ده، بس انا شايف الاخ عامل 2 مايكروتك واحد للدمج وواحد للكنترول

لو تقصد ذلك نعم استخدمنا فى بعض الأحيان ليس فى كل وبرجاء تحديد السؤال أكثر من ذلك ورقم الملف المستفسر عنه والدقيقة حتى تسهل الإجابة وشكرا.

[raedjom]

شكرا لمروركم جميعا وتحياتي لكم

[المستأنس]

غفر الله لكل من ساهم في هذها الموضوع وادخله جناته وسقاه من خيراتها . واشكر كل من ساهم كل شكر وبجد موضوع نادر ويستحق التثبيت .

[hazem_amer7]

غفر الله لكل من ساهم في هذها الموضوع وادخله جناته وسقاه من خيراتها . واشكر كل من ساهم كل شكر وبجد موضوع نادر ويستحق التثبيت .

جزاك الله خيرا أخى الكريم

[هشام عبد العزيز]

صراحة موضوع هايل يا رائد بارك الله فيك وفيه الاستاذ حازم على الجهد الغير ادى المبذول فى الموضوع دة وربنا يجازيكم انتم وعائلتكم الجنة ونعيمها وينعم عليكم بالصحة والسعادة فى الحياة الدنيا